【Now財經台】近期3大中資航空股跑贏大市，12月6日至今日(19日)止，中國南方航空(01055)及中國東方航空(00670)股價累升逾6%，中國國航(00753)升逾2%，雖然之前一度回落，但3隻股份當時都冇跌穿中央政治局開會當日水平，點解內航股近期咁強勢？係咪炒旅遊出行概念？
耀才證券研究部總監植耀輝指，中資航空股近期炒得咁勁有3個原因，呢個板塊12月起其實已經表現唔錯，因為國務院喺11月公布，明年起會多兩日假期，估計呢兩日假期會加喺春節或勞動節，因此，令消費者旅遊意欲增加。此外，內地喺12月宣布同其他國家有免簽安排，市場就開始憧憬國際航班會有較好表現，再加上近期油價回落好多，令內航股有跑贏大市。
