【Now財經台】康耐特光學(02276)擬以每股15.86元，配股畀歌爾子公司，配股價較上周五(20日)收市價折讓約20%，消息公布後，康耐特股價今日(23日)不跌反升，引入歌爾子公司後，康耐特業務會唔會變得多元化？歌爾又會唔會進一步擴展光學業務？
博威環球證券金融首席分析師聶振邦指，相信康耐特有機會拓展更多業務，因為歌爾除咗同蘋果公司(Apple Inc.)有合作，亦同三星電子(Samsung Electronics)、索尼(Sony)等大企業合作，康耐特可以由傳統鏡片行業，轉向發展更多新經濟產業，而今次配股集資所得，將會用嚟發展智能眼鏡及延展實境(XR)鏡片，有望成為新增長引擎。
不過，聶Sir認為，歌爾拓光學業務嘅機會唔大，但透過今次配股，歌爾業務範圍擴大咗，公司可以接光學定單，然後再交比康耐特，從而提升歌爾喺行業嘅競爭力，暫時睇嚟次配股係一個雙贏格局。
