【Now財經台】阿里巴巴(09988)股價近期走勢一般，並受制10天線，資金都似乎冇乜信心，阿里好倉5日合計流出700萬元，集團繼續剥離非核心資產，重整業務，加上股價已落到近期低位，投資者如果想再入場博反彈，應該點部署？
中銀國際證券衍生產品部董事朱紅指，雖然阿里近排有唔少負面消息，股價有下行壓力，但睇返估值及股價，如果仲守得住80元水平，投資者可以吼股價喘定、負面消息消化晒之後，再做博反彈部署。
佢又話，依家阿里嘅熱門CALL都比較短身，每日有約2%至3%嘅時間值損耗，建議投資者可以揀行使價約96元至100元嘅CALL，2025年7月至10月到期，槓桿做到5倍至6倍。
