【Now財經台】截至早上11時止，1小時內《彭博》用戶搜尋量最多港股，依次為建設銀行(00939)、信義光能(00968)、吉利汽車(00175)、農業銀行(01288)及比亞迪股份(01211)。
信光及同系信義玻璃(00868)齊發盈警，前者股價今日(2日)一度大跌近8%，插穿3元關口，展望2025年，集團業績係咪未必有太大改善？
椽盛資本投資總監曾永堅指，雖然信光股價今日大跌，但仍未完全反映公司嘅基本面，除咗盈利倒退及發盈警拖低股價，另一原因係整個太陽能產業鏈面對產能過剩嘅問題，令行業產品價格未來仍有一定程度嘅下跌壓力，直接影響信光嘅太陽能玻璃產品嘅價格及銷量。
Jaseper又話，美國總統當選人特朗普(Donald Trump)唔係太支持新能源發展，令市場擔心未來會有政策影響行業嘅需求及出口，即使信光股價短期仍守得住3元，但未來仍好大機會再下試低位。
