【Now財經台】康師傅控股(00322)股價今日(9日)高開逾1%後，迅速有買盤湧入，帶動股價愈升愈有，午後升幅持續擴大，最多升近14%，高見11.36元，錄得約4年半以來最大單日升幅，收市報11.2元，大升逾12%，成交股數較過去100日同時段平均增2倍，全日成交金額逾3.15億元。
康師傅股價今日急升，可能同高盛最新嘅報告有關，高盛昨日(8日)跟康師傅管理層會面後，指集團對前景有信心，又話未來幾年派息比率會維持100%，相信都畀到市場信心，吸引資金追入。
另一方面，內地2024年12月通脹進一步降溫，但通縮風險仍大，可能有利康師傅這類提供相對平價食品及飲品企業。
康師傅股價今日急升，升穿50天及100天線，並突破去年10月初以來嘅下降軌，業務穩健、受中美關係影響微，加上派息唔錯，似乎對資金有一定吸引力。
