【Now財經台】內地春運今日(14日)正式啟動，估計出行人員高達90億人次，預期民航客運量逾9000萬人次，摩根士丹利發報告唱好中資航空股，指內航股復甦疫後只係剛開始，估計3大內航股2025年盈利增長32%，遠高過市場平均預期嘅20%，如果內航股要3揀1，應該點揀好？
天風國際證券經紀業務部董事李偉傑指，3大內航股中，建議揀國外航線較多嘅中國國航(00753)，因為現時去外地旅遊嘅吸引力較大，又或者外國旅客訪華，國航需要安排更頻密嘅國際航班。
Jason又話，負債水平亦要留意，依家國航嘅負債水平較理想，截至2024年中，國航手頭現金199億人仔，負債唔夠900億人仔，負債比率低過另外兩隻內航股，意味借貸嘅利息成本下降，投資價值就相對較高。
