【Now財經台】雖然美國總統拜登(Joe Biden)就快卸任，但一啲都唔手軟，周一(13日)公布針對人工智能(AI)晶片嘅「加辣版」限制措拖，其中，禁止向中國及俄羅斯等出口晶片，新規一出，內地晶片股應聲炒上，當中包括中芯國際(00981)等，內地晶片企業未來發展有咩值得留意？
易方資本副基金經理王逸研指，國產晶片設計能力快速追上，雖然同美國AI晶片龍頭英偉達(Nvidia)仍有一段距離，但已喺部分領域領先，國產晶較令人擔心係晶片製造，因為要有先進製程先可以追趕世界一流嘅晶片製造商，現時中國晶片製程嘅良率、成本及產能都同頂尖產能有距離。
先進記憶體方面，王逸研就指，除咗產品主晶片性能要夠強，亦要有強勁嘅高頻寬記憶體(HBM)配合，雖然內地科企研發嘅HBM不斷追趕世界一流水平，但始終有一定距離，內地晶片企業仍有唔少難關要克服。
