【Now財經台】美國總統特朗普(Donald Trump)上任後，立即宣布要大搞人工智能(AI)基建，佢日前即刻有動作，宣布名為「Stargate」(星際之門)呢個史上最大型AI項目，OpenAI、日本軟銀集團(SoftBank Group)及企業軟件公司甲骨文(Oracle)會成立1家合資公司，合共投資5000億美元。港股嘅長飛光纖光纜(06869)股價今日(24日)喪炒，收市勁升逾31%，會唔會係「Stargate」效應？
紅蟻資本投資總監李澤銘認為，要炒到長飛光纖就比較迂迴，首先美股嘅相關股份已經炒起咗，日股相關股都同一時間炒上，原因係有兩家日本企業喺特朗普宣布「Stargate」之前，已宣布將會喺美國設廠。
Alan又話，長飛光纖除咗有內地3大電訊商嘅生意外，集團本身都做電訊商生意，部分同出口有關，如果唔涉及制裁或貿易戰，有部分產品會較迂迴咁出口去美國，原因係當地需求增加，間接帶動長飛光纖相關生意。
