【Now財經台】中美貿戰升級，繼昨日(4日)雙方互加關稅後，美國今日(5日)再出招，美國郵政停收內地及香港包裹，即時震散內地兩大電商龍頭阿里巴巴(09988)及京東集團(09618)股價，內地電商未來會點發展？中美係咪仍有得傾？
南華金融集團副總裁莫灝楠指，小型包裹法律漏洞已經喺美國講咗好耐，美國總統特朗普(Donald Trump)今次只係揸正嚟做，加上電商股本身表現都唔係太好，所以今次停收包裹消息，未對港股帶嚟好大震盪。
Casper認為，中美雙方仍有機會握手言和，因為特朗普對中國嘅態度唔係一刀切，考慮到之前TikTok禁令 ，最終都可以暫緩執行，而特朗普周一(3日)亦簽署行政命令，指示財政部和商務部破天荒成立一個主權財富基金，又話可能會收購TikTok，相比一刀切嘅中美關係，特朗普更傾向爭取更大利益。
