【Now財經台】阿里巴巴(09988)昨日(20日)出爐嘅季績好過預期，帶動恒生指數今早(21日)大升逾500點，重上23000點，如果由香港指數基金層面睇，喺今輪升市下，流入港股嘅外資係咪多咗？
華夏基金(香港)業務拓展部高級經理李星宇表示，近期恒生科技指數主導資金流，其中，全美國最大型追蹤內地科技股嘅被動基金KWEB係持續流入，可以估計KWEB年初開始已重返港股。
但值得留意係，盈富基金(02800)、科指及QDII都有資金流出，李星宇認為，盈富基金裡面其實好多都係境內資金，而盈富同科指及QDII入面個趨勢好吻合，境內資金見到科指已累升50%就獲利，套現再投資A股相關板塊，佢又話，外國投資者一直低配港股，依家距離去年高位已少咗一半，境外投資者見到科指開始升，怕錯過今輪升浪，所以當科技升不足10%，佢哋已經買返港股，而睇返今次嘅趨勢，同去年9月開始嘅升勢有關，因為...
