【Now財經台】小米集團(01810)去年第4季收入大增48%，單季首度突破千億人仔，並連同經調整淨利齊創新高，小米股價今日(19日)一度升3%，高見59.45元，多家大行喺小米業績後上調目標價，最牛嘅花旗睇73.5元，如果參考大行目標價揀價外，行使價63元至70元嘅CALL，槓桿3至4倍，要高啲槓桿係咪要揀行使價80元以上嘅CALL？
中信證券國際股權衍生品銷售經理李佳原指，過去5個交易日合計，有4000萬元資金流入小米好倉，大部分都係揀CALL輪，行使價80元，槓桿較高，投資者要承擔更高風險。
佢建議，投資者可以考慮較保守嘅CALL，價外5%至10%，槓桿較低，買賣差價同入場成本比較相宜。
