【now.com財經】噚日喺【輪證下半Part】換隻恒指好倉出嚟借個五分鐘圖指數企住喺10線同小時圖守住10/20線而追，還好下半場時2點15分有見指數做出日內新高，隻好倉喺午後追出嘅話都仲有格仔爬得到。
而如果呢隻好倉你Hold到過夜嘅話，咁今朝指數開升500點有多時你應該忙住出貨，事關今朝拎白卡嗰個話佢無打算要炒咗鮑爺，同時又話同中國嘅關稅好大機會會大幅削減。因此隔晚美股升返過千點，補返前晚跌過千點嘅窿；而港股呢期彷彿跟升唔跟跌，不過都小心啲，隨時今晚又話「我無講過」。
今朝作戰室第一注以淡倉應市，皆因先預會有一堆獲利盤出現推一推低條恒指，下方暫時用小時圖嘅100線位置，不過嗰條線都真係有少少遠，同時大家都傾向見好就收，有得8格、10格淡倉收割都割咗先。
10點未到大家開始等睇五分鐘圖上嘅恒指同條10線，目前保歷加通道口仍然拓闊中，指數於大約21,900點附近定住，等條10線浮到上嚟；同步保歷加通道口目前雖然仍然拓闊中，不過遲早佢都會變成整條向上，如是者Swing Trade又會出現返，到時侯要Mark住嘅係保歷加頂頂線邊絛線玩Swing啦。
10點見五分鐘圖嘅保歷加通道整條向上，指數同10線都開始愈來愈近，只係係仲等緊指數過唔過條五分鐘圖嘅10線。
但等到依家10點22分，指數於2189X點築底後開始有借10線向上走，但上行嘅速度唔高，未見方向出倉一係小注止手痕，一係向個股方向走。
呢期隻Popmart(09992)都算再成為焦點，Q1績佳+再出新Product，股價一飛衝天咁今日再來52周新高。怪懂不得我中同Fila今朝市都未開就宣布唔追貨。
我簡單啲，純綷係個人一買正股就會輸到仆街嘅，所以我都係等一等佢五分鐘圖依家見Slow STC(14.3)兩線落到超賣位，出到觸底就出隻泡瑪Call(15483)，逐線逐線向上打住先，反正恒指吾 見方向。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室：https://www.patreon.com/join/cbbcwar
