【Now財經台】有數據顯示，5月歐元區商業活動出乎市場預期再陷入收縮，綜合採購經理指數(PMI)初值跌至49.5，差過預期，亦低過50嘅盛衰分界線，係咪會令6月減息機會增加？
瑞穗銀行首席亞洲外匯策略師張建泰指，市場原本認為關稅暫緩消息可以刺激經濟，但由於關稅談判仲係未知之數，暫時美國似乎想歐盟作出更大讓步，或硬食20%關稅，兩者都對歐元經濟冇好處，所以市場情緒仍比較差。
減息方面，Ken認為，歐洲央行會持觀望態度，唔會因為個別數據差就立即減息，加上之前累計減息幅度已經唔細，所以6月減息機會唔大，可能要等關稅談判明朗化之後再減息。
