【Now財經台】據內媒報道，京東集團(09618)創始人劉強東指，集團要進軍酒店及旅遊業，又話今日(18日)會有公布，京東繼參與「外賣戰」後，依家又做埋酒店及旅遊預訂服務，對業界嚟講「內捲」情況係咪會加劇？攜程集團(09961)係咪又多咗一個對手？
潤淼資產管理董事盧志威認同，又指京東做埋酒店及旅遊業，就係要用互聯網平台嚟「捲」，將中間嘅佣金點數向下推，所有人都冇錢賺，值得留意係，現階段大家只係想搶生意、流水及份額等，所以最終賺唔賺到錢係其次。
William又指，依家京東喺對手或市場眼中，只係一個利用補貼去搶生意嘅平台。
