【Now財經台】停牌逾兩個半月嘅天瑞水泥(01252)今日(23日)復牌，股價高開逾62%後，升幅一度擴大至66%，高見0.45元，成交股數較過去100日同時段平均大增31倍，成交金額逾5800萬元。
集團上周五(20日)出業績，成功扭虧為盈，轉賺2.79億人仔，天瑞昨日(22日)再出通告，指主席兼大股東李留法場外增持1.47億股股份，雖未冇提及具體金額，但增持規模都唔細，大股東持股量由約55%增至近60%，消息成功炒起股價。
不過，天瑞近年爆出唔少財務爭拗，過去亦試過復牌急升，例如去年4月停牌至年底，復版曾炒高12倍，今次升幅唔及上次誇張，股價亦掂唔當日高位，即0.66元水平，因此，公司盤數未搞清楚前都不宜沾手。
