【Now財經台】内地外賣平台補貼大戰喺剛過去嘅周末再升溫，京東集團(09618)股價3連跌後，今朝(14日)持續受壓，一度再跌2.2%，低見120.5元，跌至近10個月低位，唔少熱門牛證收回價擺100元樓上，部分甚至擺到115元，應該點部署？
滙豐亞太區財富管理香港上市產品銷售經理盧貴良指，市場十分關注呢場外賣大戰，在剛過去嘅周末，唔同平台再推出補貼，令單日定單數量創新高，佢建議進取嘅投資者，可以考慮收回價115元嘅牛證，實際槓桿做到12倍，保守嘅投資者就可以選擇行使價149元嘅CALL，今年11月到期，實際槓桿做到6倍。
