【Now財經台】早前，泡泡瑪特(09992)發盈喜後，獲多家大行上調目標價至300元樓上，不過，近期資金流走壓力明顯，股價亦明顯轉弱，滙豐證券最新更轉軚下調目標價，但仍睇300元樓上，點睇泡泡瑪特前景？
艾德金融執行董事陳政深指，雖然滙證削泡泡瑪特目標價，但維持「買入」評級，而目標價較現價仍有水位。佢續指，集團基本因素算強，以咁大規模嘅銷售額嚟講，盈利仍錄得倍數計增長，加上未來國際業務收入佔比好大機會超越內地，呢個情況喺港股並唔常見，所以都會提升泡泡瑪特嘅獨特性。
Ryan又話，依家泡泡瑪特估值、市盈率(PE)逾30倍都唔算貴，同業都係約30倍PE，加上公司仍然站喺潮流尖端，業務發展會反映喺股價上，相信依家股價正處於整固階段，近期落到50天線水平明顯有支持，Ryan認為，現時係一個唔錯嘅部署時機。
