【Now財經台】市場再度關注內地車企內捲情況，比亞迪股份(01211)繼昨日(30日)失守20天線後，今日(31日)跌勢未止，暫時兩日累跌約8%，有冇好倉資金趁低開CALL博反彈？
花旗上市衍生產品部副總裁麥穎儀指，車股近日有資金關注，比亞迪股價喺高位回調外，「反內捲」概念都講咗一段時間，所以唔少資金趁比亞迪股價調整，趁低吸呢隻龍頭車股，比亞迪近期曾見過逾3個月低位，並下試3月中水平，若可以企穩反彈，上方都有幾個下跌裂口要補，上望空間都幾大。
Jenny又話，市場上高槓桿產品選擇唔少，現價亦唔算太貴，熱門CALL槓桿約9倍，今年10月到期，行使價158元，若想博反彈唔一定要揸正股，都可以考慮用較少資金部署CALL輪。
