【Now財經台】港股連跌4個交易日後，今日(4日)出現反彈，藍籌聯想集團(00992)亦升得靚，一度升6%，高見10.71元，突破近期橫行區，衝上4個月高位，集團下星期會出業績，摩根大通上調公司盈利預期，又估計盈利有望好過預期，主要係關稅對集團嘅影響冇預期咁大，聯想股價短線上望空間大唔大？
博威環球證券金融首席分析師聶振邦指，聯想暫時係追緊落後，股價逐步上返4月初水平，暫時睇嚟，股價有機會逐步上返11.5元至12元水平，有貨嘅投資者可以再觀望下，或者等股價上返11元水平再考慮分段止賺，冇貨嘅投資者就可以考慮喺10元至10.2元水平吸納。
