【Now財經台】人工智能(AI)晶片商超微半導體(AMD)公布第2季業績，收入按年增長32%至逾76億美元，好過預期，但純利僅8.7億美元，差過預期。AMD股價今年累升逾40%，大幅跑贏費城半導體指數約10%嘅升幅。雖然業績不似預期，但AMD前景值唔值得憧憬？
易方資本投資總監王華指，CPU係AMD其中一個亮點，由於競爭對手英特爾(Intel)嘅先進製程或會減慢，令惠普(HP)、聯想集團(Lenovo)(00992)等電腦客戶感到擔憂，甚至可能令呢啲客戶轉用AMD嘅CPU。
Fred又話，亞馬遜(Amazon)嘅Trainium及Google嘅TPU，正逐步蠶食AMD及英偉達(Nvidia)嘅市場份額，但喺開發系統及通用性方面，呢啲產品仍然未追上AMD嘅水平。未來AMD會繼續追趕Nvidia，已price in曬喺股價上，不過未完全反映AMD CPU嘅發展前景。
