【Now財經台】軟銀集團(SoftBank Group)宣布收購瑞士工程集團ABB旗下機械人業務，涉資逾53億美元，消息一出，刺激軟銀股價一度大升，相反，ABB股價相當冷靜，點睇呢個現象？
獨立分析師黃耀宗表示，軟銀股價升得有啲誇張，但可以理解，其實依家所有涉及人工智能(AI)嘅話題，都可以輕易引起市場關注，市場憧憬ABB可以幫軟銀建立新生態圈，發展AI業務。此外，私募股權基金呢段時間對OpenAI及xAI等公司嘅估值持續上升，產生協同效應，帶動軟銀股價。
至於點解ABB股價反應冷靜，Andy認為，因為ABB本身股價唔平，加上市場擔心交易有變數，以及唔清楚ABB會用呢筆錢做回購，還是做併購，亦好難即時搵到同機械人一樣有高增長嘅新業務。
