【Now財經台】美股昨晚(30日)部分受大型科技股績後股價回套拖累，納指跌超過1.5%。「科技七雄」(Magnificent 7)當中，其實除了Tesla之外，其餘整體季績都好過預期，但個別數據例如蘋果大中華區銷售令市場憂慮，如何看幾間科技巨頭業績表現？
IG集團駐澳洲市場分析師葉蔚文指，蘋果業績是不錯，但不算好有驚喜，新iPhone銷情未完全反映在第3季業績，未來要留意今季聖誕節，會否再有換機潮，推動整體業績增長，而蘋果在人工智能(AI)方面相對落後，如果AI有新發展，相信都可以推動到股價。
另一邊廂，Meta及微軟(Microsoft)等都宣布增加資本開支大力發展AI建設，不過Fabien話市場就不太受落，驚資金有出冇入。
