【財經TOP SEARCH】騰訊會跌到$330？

【Now財經台】截至早上11時止，一小時內《彭博》用戶關注度上升最多港股，依次為騰訊控股(00700)、小米集團(01810)、比亞迪電子(00285)、新奧能源(02688)及中國燃氣(00384)。

雖然大股東不斷減持套現，但內地近期重啟審批遊戲版號，對於遊戲業務一向表現標青嘅騰訊嚟講，肯定係一個利好因素，騰訊短期前景樂唔樂觀？

大唐資本投資策略部總監盧志明表示，騰訊呢排一上到400元水平，就會掉頭回落，反映呢個位阻力好大，加上集團遊戲業務以外嘅業務前景又冇起色，睇返Naspers之前兩次減持後，騰訊股價都冇運行，佢估計，騰訊股價短期難出現突破，支持位暫時擺喺330元水平。