【專家分析】HK Express對國泰業績影響好大？

【Now財經台】國泰航空(00293)今日(6日)中午派咗中期成績表後，股價下晝一開市就「跳水」，一度急瀉逾10%，低見10.72元。國泰收入按年增長逾9%，但純利只係按年增長1%，增幅咁細受咩因素影響？

元宇證券基金投資總監林嘉麒指，雖然國泰收入有增長，但純利只係輕微增長，加上各主要經營指標都有唔同程度倒退，包括客運收益率、貨運收益率下跌，燃油對冲出現虧損，以及旗下廉航香港快運(HK Express)由盈轉虧，市場原本對國泰今年每股盈利有期望，但今次業績冇亮點，明顯令市場失望，所以股價大幅調整反映返公司估值。

KK補充，HK Express上半年日本及東南亞航線受地震傳聞影響，令虧損更嚴重，如果經濟環境唔好，預期第4季整體需求或會轉差，繼而令虧損擴大，就會拖累國泰業績，所以不宜太樂觀。