【Now財經台】截至早上11時止，1小時內《彭博》用戶關注度上升最多港股，依次為港交所(00388)、中國中鐵(00390)、中國海外發展(00688)、富力地產(02777)及龍湖集團(00960)。
港交所發通告，指倫敦金屬交易所(LME)因鎳交易風波，被要求索賠4.56億美元，如果真係要賠，對港交所影響大唔大？股價之後會點走？
富昌證券聯席董事譚朗蔚指，呢單訴訟嘅結果好難估計，所以要觀望潛在利淡情況，事實上及嘅銀碼都唔算小。至於股價升定跌仲要睇埋大市，Stevan覺得大市已經築咗底，如果恒指升穿22500點，到時港交所都會跟升。
Stevan又話，依家港交所股價係「立立哋」，屬於整固做底階段，暫時喺320元至350元玩住先，等到突破350元再追都未遲。
