【now.com財經】今朝揀咗隻貼價恒指熊(51440)出嚟，講到明其係用五分鐘圖博指數於保歷加通道中軸至底線做呢半條通道嘅Swing Trade之用。等到今朝10點45分，指數再次回彈到保歷加通道中軸，都真係準備定隻淡倉，見有阻力再出現嘅時侯就隊佢落場，博指數Trade返落去保歷加通道底。好景就梗係不常啦，指數向上衝破咗中軸位置，淡倉出唔成，不過都未必係一件壞事，起碼指數唔係去到中軸位前，怕痕又怕痛咁唔上唔落，咁樣磨法先至最難搞。
Lunchtime時我家肥貓多數都會走出嚟討吃，其實佢個飯碗餅仔常滿(我係放長糧的)，但就永遠都要用你隻手變成佢個私家飯碗先至安落嘅。It’s fine，主子永遠是對的。
同樣地，喺市場上，大戶都係永遠是對的。今朝早恒指高開低走之後，都明明揀定隻(51440)出嚟準備做多轉淡倉，但實在喺小時圖上其實仍然見到指數有稍稍繼續會上行嘅跡象，又That’s why會係今朝嘅【輪證贏家】最後嗰段Alert大家。中午收市見小時圖上指數仍然保持於保歷加上升通道，似是等保歷加通道口重新開關後再借天線上行。
然後就係要嚇退你手上一早準備好嘅淡倉遲遲未落得場，正惆悵午後個市點玩之際，下半場開市忽然指數向下再落，五分鐘圖上行出「圓頂」格局，未幾指數硬穿穿「圓頂」頸線，而呢個位同保歷加通道底線+750分鐘線(五分鐘圖150線)相約。再比多少少時間進行Confirm，已經見到保歷加通道口拓闊，作戰室淡倉即時出動。
(51440)一早硬闖出落，嚟到依家當然無問題啦；但未出場的話，依家1點20分，恒指已經失心瘋向下跌逾200幾點，目前小時圖指數失20及100小時線(小時圖20及100線)，呢啲位出淡倉又好似冒險得滯，反正指數都已經再次處於保歷加下降通道位置，索性用返今朝嘅方法，如見指數方向上行到中軸後遇阻，咁(51440)先至出動啦。
比多個貼士，依家1點21分，今日低位暫見21033點，同日線圖嘅20天線21034點只係爭一點，目前指數於五分鐘有見喘定嘅情況，指數又落返呢啲線位時，又係到咗中線買定離手嘅時間，所以Day Trade速度隨時要加快。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
想入作戰室？Click呢度就得：https://www.patreon.com/cbbcwar
