【Now財經台】早排受大幅加息預期打壓嘅增長型股,依家趁機修復估值,加上憧憬內地平台經濟監管最壞時期已過,科指成分股上星期五全線有得升,ATMXJ、冇盈利B仔股表現最搶鏡,依家係咪重新吸納估值低殘新經濟股嘅好時機?
獨立財經人士程嘉偉指,過去監管政策出爐前熱炒嘅板塊,包括教育、科技,過去1年都被打沉晒,不過,最近吹起一股「熱風」,呢啲股份率先被炒起,佢估計,曾被熱炒嘅板塊會因監管鬆綁再被資金輪流炒起,例如物管股、低殘內房股。
Gary補充,依家物管行業資金壓力紓緩,令子公司估值有所提升,相信碧桂園服務(06098)、雅生活服務(03319)及合景悠活(03913),將會成為下一波炒作股份。