【Now財經台】內地公布將電子煙納入消費稅徵收範圍，刺激電子煙相關股跑贏大市，其中思摩爾國際(06969)股價一度升21%，高見9.58元。
當局落實電子煙嘅徵稅細節，提到納稅人如果出口電子煙可退稅，目前，內地1500間電子煙生產商中，超過70%企業主要出口產品到海外，整體稅率被視為唔算辣。
華盛証券分析師聶振邦認為，呢個係利好消息，因為政策風險更明朗，加上投資者可以清楚估算到徵稅對公司構成嘅成本壓力。
不過，聶Sir表示，行業被規範化後，利潤一定冇以往咁高，而思摩爾今年上半年每股盈利按年跌53%，加埋徵稅因素後，估計利潤率將進一步下跌。
