【Now財經台】內地最新公布11月有70款國產遊戲版號獲批，騰訊控股(00700)及網易(09999)嘅遊戲都上榜，政策面似乎繼續釋放寬、鬆綁嘅訊號，如果投資者看好，想部署好倉，見到部分CALL輪槓桿介乎6至7倍，行使價330元水平都比較多人部署，到底揀唔揀得過？
瑞銀亞洲上市衍生產品銷售部主管卓素華認為，騰訊引伸波幅仲有下調空間，如果依家想做部署，可以留意牛熊證，Winni建議投資者留意收回價較遠嘅產品，由於騰訊今朝升幅急速收窄，如果揀貼價牛證，收回風險會較大，因此，最少揀同現貨有6%至7%距離，會較為安全。
