【Now財經台】上月本港跟內地全面通關後，上周起亦撤銷口罩令，帶動本港商場消費市道好轉。
置富產業信託(00778)行政總裁趙宇透露，今年首兩個月，旗下商場整體人流按年增17%，時租停車場收入更升30%，反映更多市民願意外出消費。
雖然集團去年收入跌2%，但Justina話，下半年冇咗租金寬免措施後，租金收入已較上半年增3%。佢又提及，唔少租約喺2020年疫情初期簽下，所以租金較低，而唔少民生商舖去年下半年陸續續約時，租金持平，甚至加租，佢預期，今年租金收入將錄得顯著增長。
此外，Justina表示，集團暫時未有融資計劃，並指現時負債比率僅23.9%，屬健康水平，加上距離證監會50%嘅上限，仍有逾200億元嘅借貸空間，因此，若日後有收購計劃，會優先考慮舉債籌集資金。
