【now.com財經】噚日完全零動作，不過恒指喺下半場出現一個大型V型反彈，喺五分鐘圖上生咗一個大細邊嘅「頭肩底」物體出嚟，頸線位好直，就係喺噚日幾個高位19,42X點附近。但重申呢個所謂嘅「頭肩底」一來只係五分鐘圖上出現，曇花一現絕對有可能；二來大細邊嚟講，點都要扣啲分。
都話大細節嘅「頭肩底」係無用。今朝指數開市先跌60點，開報19,355點。到正式開市後指數向下再落多少少，跌幅擴大至過百點，不過，喺五分鐘圖上即遇保歷加底線，同時小時圖亦見指數被10/100線夾住，動彈不得嘅兩難情況一早預咗，所以今日作戰室嘅策略係「等」。
等到依家9點47分，指數喺五分鐘圖上第一粒燭見「錘頭」後，上返50線唔過出返上影線再落，到依家連保歷加通道口都被佢推闊埋，淡倉出動追Slow STC(14,3)向下，再睇埋保歷加通道口如果保持拓闊的話，Slow STC(14,3)兩線則有機會出超賣再超賣。
換上小時圖的話，19,4XX點嗰位出嘅頂線都齊頭得幾兇狠，推返指數靠近返條20/150線，而Slow STC(14,3)兩線亦於目前80以上嘅超買位出現觸頂。10點過後確認指數失小時圖中軸，以下方得返50線同保歷加底線計，50線近啲。恒指熊(67540)，收回價19,750點，同現價有近400點差距，槓桿約37.96倍夠做Day Trade，穿小時圖中軸出貨可以，就用50小時圖做目標。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
