【Now財經台】特步國際(01368)出咗2023年第4季及全年營運數據，截至去年12月底止3個月，內地銷售按年增長逾30%，數據公布後，特步股價升幅擴大，到底係同銷售表現有關，還是存貨減少有關?
英皇資本財富管理方案研究總監陳錦興指，成個體育用品股板塊都擔心存貨問題，2022年特步嘅存貨期介乎5至5.5個月，2023年就縮短至介乎4至4.5個月，反映存貨問題有改善，為市場帶來驚喜。
股價方面，特步去年累跌逾50%，今年都要跟成個板塊跌，反映市場對整個行業嘅悲觀預期，集團提及營運數據冇想像中咁差，市場就藉呢句說話炒作，暫時仍然睇唔到特步基本面，以至成個行業狀況有明顯改善，單靠營運數據唔足以進一步推升股價。
