【Now財經台】百勝中國(09987)業績遠超市場預期，去年第4季按年多賺81%至9700萬美元，全年純利更大增87%至8.27億美元，同店銷售亦大致符合預期，全年增長7%。
集團同時宣布增派季度息23%，又加碼回購，刺激股價今日(7日)一度逆市飆28%，收市仍升逾14%，報332.8元。元宇證券投資總監林嘉麒認為，百勝今日成交顯著增加，更多因為資金追落後，或為平淡倉而夾高股價，佢又指，現時百勝估值唔算平，投資者可以博今日見頂，等股價回落至300元以下再考慮部署。
此外，KK認同集團年內新開最多1700間門店嘅策略，雖然當中嘅資本開支7億至8.5億美元會影響短期盈利，但在內地消費降級下，部分三、四線城市嘅消費力反而未見明顯減弱，集團既可開拓新嘅市場分額，又可降低成本。
