【Now財經台】美團(03690)股價今朝(3日)一度迫近123元，衝上半年高位。美團好倉5日合計有4754萬元流出，多唔多好友食糊離場？甚至反手開淡倉？
摩根大通亞洲上市衍生產品銷售部主管張智卓指，港股今個星期持續強勢，恒生指數暫時連升第9日，輪場資金以部屬淡倉為主，今朝部署美團及騰訊控股(00700)PUT輪嘅資金較多，事實上，多隻科技股股價自高位稍為回落後，出入嘅資金明顯多咗。
佢又話，較活躍嘅美團認沽證9月下旬到期，距離依家仲有4個幾月，而呢幾日持續有CALL輪資金離場，但今日流出嘅規模細啲，資金流出嘅輪證都較短身，今年6月至7月到期嘅CALL都有資金流出，但規模較早前細咗。
