【Now財經台】截至早上11時止，1小時內《彭博》用戶關注度上升最多港股，依次為中芯國際(00981)、萬科企業(02202)、快手(01024)、太古地產(01972)、中國移動(00941)。
中芯昨日(8日)出咗中期業績，股價今朝(9日)成為升幅最大藍籌，一度大升9.5%，高見17.3元，集團上季收入符合預期，毛利率超預期，前景指引亦唔錯，預期第3季收入按季最多增長15%，料毛利率升至介乎18%至20%，遠高於上季嘅13.9%。反觀同業華虹半導體(01347)第3季指引就唔係太進取，毛利率同第2季差唔多，係咪意味中芯前景較樂觀？
大華繼顯執行董事梁偉源指，人工智能(AI)相關發展對晶片嘅需求好大，雖然中芯嘅技術水平未去到好先進，但有國家支持發展，上季業績又令人滿意，公司亦睇好前景，所以大幅上調今季毛利率預測。
Steven估計，中芯下半年業績繼續向好，股價今日跑贏其他成分股，未來仍會對中芯股價有好大刺激作用。
