【now.com財經】今朝起身睇新聞見Nvidia(NVDA)跌差唔多一成，再開埋作戰室個Discord已經見到大家「嘩嘩聲」；依家9點19分，雖然未完U盤，不過見騰訊(00700)都碌緊成6.8銀錢，無嘢嘅，日線圖晨早都出晒Swing Trade條件啦，都係嗰句：回唔係問題，仲非常歡迎，問題只係回幾多啫。
9點20分完U後，指數開出見跌176，開市報17,474點，呢個開市價已經先將牛證第一層街貨全數收回，同步指數已經插住喺牛證嘅重貨區，作戰室開市前作戰計劃就梗係掟淡倉出去啦。10點未到已經食咗一Round保正數；依家10點10分，開市後嗰注放緊風箏嘅，或者見17,400點呢個位唔過而第二注出動咗嘅話，依家等睇指數落到去小時圖150線，再大咬嘅話咬到落去日線150線。
的確係諗住喺呢度出隻淡倉比大家，但實在我呢頭寫完個目標嗰頭已經到步，惆悵時有戰友話「叫讀者休息一天」...
10點20分見指數稍回，喺五分鐘圖上見Slow STC(14.3)都有似觸底走勢，咁樣啦，先留意10線過唔過先，炒得返上10線嘅話先至考慮出好倉做反手，如果唔係指數仍然企住喺牛證街貨層，再向下落去掃街貨都真係唔出奇。
恒指熊(68668)，收回價17,750點，距離現價有約370點，槓桿約37.8倍，市場上最貼價熊嚟架，真係真係小心五分鐘圖嘅Slow STC(14.3)觸底。
過到10線嘅，恒指牛(67474)，同現價有約400點距離，槓桿有約40.4倍，企遠啲同埋極速呀！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
