【Now財經台】中國第1款大型國產3A遊戲《黑神話:悟空》8月20日上線後，一直佔據全球多個平台遊戲火熱銷榜No.1，除咗帶挈開發團隊估值飆升，亦刺激有份投資嘅騰訊控股(00700)股價向上，更帶挈創辦人馬化騰重奪中國首富寶座。
據《彭博》億萬富豪指數顯示，截至當地時間昨日(16日)下午約2時止，馬化騰以439億美元財富居首，字節跳動(ByteDance)創始人張一鳴排第2位，農夫山泉(09633)大股東鍾睒睒跌至第3位。值得留意係，雖然馬化騰再度成為中國首富，但其實身家較2021年1月高峰期大幅縮水約40%。
雖然馬化騰重奪中國首富寶座，但騰訊股價今日(17日)表現冷靜，早段更加要跌，其後掉頭向上，一度高見381.4元，升不足1%，最新報379.6元。
