【Now財經台】康方生物(09926)配股集資逾19億元，配股價61.28元，較上周四(10日)收市價折讓近5%，集資淨額逾19億元，睇返今年3月嘅配股價47.65元，公司明顯「愈配愈高」，似乎反映市場睇好公司發展。早前，康方旗下伊喜寧(伊努西單抗，PCSK9)獲國家藥監局批出上市許可，成為公司第1款非腫廇領域獲批產品，康方前景點睇？股價係咪有機會破頂？
博威環球證券金融首席分析師聶振邦指，康方配股規模唔算大，上次配股佔擴大股本約2.8%，今次就佔約3.5%，市場都好易消化。公司由3月至今不時發布新藥發展進度，可以畀投資者跟進業務發展狀況，有助維持股價穩定。
聶Sir又話，康方股價之前受惠於港股升浪，投資者可留意呢浸升勢，但估計股價喺70元會有阻力。
