【Now財經台】截至早上11時止，1小時內《彭博》用戶搜尋量最多港股，依次為聯想集團(00992)、紫金礦業(02899)、國泰航空(00293)、中國移動(00941)及普拉達(01913)。
聯想於周二(15日)舉行Lenovo Tech World 2024大會，會上公布一系列人工智能(AI)產品，英偉達(Nvidia)行政總裁黃仁勳亦有站台發言，Nvidia股價昨晚(17日)破頂，加上台積電(TSMC)業績理想，整個產業鏈氣氛返晒嚟，聯想股價沉寂咗一排又有返起色，今日(18日)早段一度升逾5%，逼近月初高位，後市有冇條件繼續上？
大華繼顯執行董事梁偉源指，全球投資者一直密切關注AI產業，加上近期半導體龍頭業績好過預期，業務指引亦樂觀，令投資者重新買入聯想炒AI概念，加上市場憧憬集團同Nvidia會有合作，聯想近日股價強勢，即使港股波動都無礙聯想股價。
佢又話，要留意市場對聯想之後推出嘅AI產品有咩反應，以及同Nvidia未來深化合作，都有望帶動股價突破前高位。
