【Now財經台】市場原本擔心港股今日(18日)會失守20000關，但喺三大金融部門，即人民銀行、金監總局及中證監喺金融街論壇更新咗救市政策進展後，港股不單唔跌，更大幅抽升， 後市係咪可以鬆一口氣？
紅蟻資本投資總監李澤銘指，恒指暫時脫險，20天線短期仍可以守得住，但仍要睇政策出台速度，係咪可以追到市場獲利心情，因為國慶假期後，整體救市政策出台速度明顯慢咗。此外，要留意救市規模有幾大，同埋發行特別國債額度有幾多，可能要等到下月初人大常委會開會，先至有具體救市規模。
此外，港股今日升市主力係新經濟股，包括騰訊控股(00700)、美團(03690)等，係咪反映撐市資金未來會主力掃入重磅科網股？
Alan相信，重磅科技股唔會係資金掃貨對象，反而會吼高息國企，例如內銀、內險及電訊股。佢認為，今日科技股突然炒起，尤其恒指之中升得最勁嘅中芯國際(00981)，相信同國家主席習近平訪問安西合肥科技園有關，因為...
