【Now財經台】騰訊控股(00700)股價上月底見過392元低位後，反覆向上，依家企穩20天線，即403元樓上，今朝(6日)一度高見410.4元，升1.2%。今朝成交活躍嘅牛證，普遍距離收回價唔夠10%，370元至398元都有，槓桿介乎9倍至27倍，不過，大市仍未有明確方向，牛證收回價擺咩位會穩陣啲？上月低位392元會唔會太進取？
法興銀行證券上市產品銷售部董事周翰宏指，騰訊股價近期回穩，過去1周反覆回升，上返50天線樓上，392元水平係過去兩周低位，所以收回價擺呢個位風險唔會太大，如果後市出現向上突破，收回價可以考慮擺392元或低少少，用較貼價條款攞高槓桿係合適。
