【Now財經台】美國生物安全法案未納入國防授權法案(NDAA)，大行估計，生物安全法案今年正式成為法律嘅機會微，藥明康德(02359)及藥明生物(02269)股價今朝(9日)大幅高開逾10%，之後升幅收窄，市面上相關牛證選擇唔多，槓桿普遍1倍至2倍，CALL就介乎3倍至4倍，選擇產品時有咩要留意？
滙豐亞太區財富管理香港上市產品銷售經理盧貴良指，雖然藥明生明今朝大升，但過去1年外圍有唔同政策消息拖累股價大跌，未來要留意呢啲情況會唔會緩和。
投資部署方面，佢認為，可以保守啲揀行使價20元嘅價外條款，明年4月到期，槓桿逾3倍，但要留意正股價格引伸波幅較大，高達60%，如果牛證要差唔多槓桿，可以考慮揀收回價13.5元，即11月嘅低位。
