【Now財經台】有「視帝」郭晉安明星效應加持，暫時接到逾650億元孖展，公開招股部分暫時已超額認購逾4700倍嘅草姬集團(02593)，今日(16日)就會截飛，想抽又未入飛嘅散戶，今日就係「最後衝刺」嘅機會。
草姬暫時已成為歷來新股「超購王」No.3，如果今日「最後衝刺」成功，有機會挑戰史上No.2兼今年「超購王」晶科電子(02551)超購5677倍嘅紀錄。
此外，每人分到幾多手，一定係入咗飛嘅投資者最關心，如果睇返晶科電子嘅分配結果，即使「頂頭槌」認購草姬，有可能最多只分到約2手。此外，首掛表現都係另一個焦點，過去唔少「超購王」首日表現都唔好，即使成為「幸運兒」似乎都要有少少心理準備。
