【now.com財經】嚟緊個星期六就係冬至，啱啱睇完新聞天氣報告，就話呢個weekend又開始凍過，部暖爐都係拎定出嚟先，我識得著多件衫、衾厚被啫，但我家肥貓唔識嘛，最多都只係成隻瓹入被竇，動物suppose係唔需要同唔應該著衫架，OK?!
不過今日恒指似乎回暖，指數開升184點，報19,884點，又坦白講，20,000點對於近期嘅指數嚟講都似乎有啲難度，依家9點49分，暫時指數高位做過19,926點，同噚日下半場指數失心瘋一彈見嘅高位19,930點只係爭4點，而今朝作戰室第一注順U盤方向出嘅好倉亦都只係望住呢個位啫。
未到10點但大家都係望住個10點等小時圖Update，睇下條中軸到底可唔可以企得返上去，企得到嘅話，恒指牛(62994)，收回價19500點，同現價有約400點，槓桿約41.4倍都夠做Day Trade，理想嘅借埋小時圖嘅Slow STC(14.3)向上型行；順便睇下指數會唔會喺五分鐘圖借10線上，挑戰下20,000點。
至於隻中移(00941)，10點見股價報75.6元，日線圖上見已經上破咗之前畫嘅小型「長方形」頂線，咁10天線當然仲hold得住啦。而噚日以平均價0.063元買入嘅中移牛(58847)，依家見證價做緊0.066元，比平均買入嘅都只係多3格，再守嘅可以嘅，反過來用返「長方形」頂線做下方量度線。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
