【Now財經台】截至早上11時止，1小時內《彭博》用戶搜尋量最多港股，依次為中芯國際(00981)、中國石油股份(00857)、長和(00001)、中國海洋石油(00883)及海底撈(06862)。
中芯連升第7個交易日，累升30%，股價今日(30日)一度炒高逾7%，高見33元，繼續炒芯片自強概念，芯片股呢浸升浪可唔可以持續到明年？中芯後市又應該點部署？
富昌證券聯席董事譚朗蔚指，今個月中，中芯股價出現明顯突破，企穩25.5元，但去到依家就愈升愈超賣，相對強弱指數(RSI)已去到75，佢認為，去到呢個水平唔適宜再高追，有貨嘅投資者可以趁升幅放緩，喺32元水平先獲利離場，再等股價回落到28元水平再做部署。
Stevan又話，受制於國產芯片商嘅技術、光刻機等因素，投資者可以配合資金短炒中芯，但長遠唔可能因「國產替代」而長炒長有。
