【Now財經台】截至早上11時止，過去1小時內《彭博》用戶搜尋量最多港股，依次為布魯可(00325)，融創中國(01918)、微盟集團(02013)、碧桂園(02007)、李寧(02331)。
內地玩具積木商布魯可孖展超額認購逾6000倍，昨日(9日)暗盤已收高逾70%，今朝(10日)首掛一度炒高逾80%，衝破100元關口，晉身「紅底股」，市值已達220億元水平，對應約10億收入，市銷率(PS)逾20倍，雖然集團收入仍喺高增長期，但股價炒高到呢個水平合唔合理？
大華繼顯執行董事梁偉源指，布魯可公開招股超購幾千倍，明顯睇到投資者係抱短炒心態，再配合2024年谷子經濟泡泡瑪特(09992)嘅表現，帶動股價今早大幅高開，單睇布魯可基本因素，好難判斷佢值唔值呢個價。
Steven又指，只要谷子經濟概念仲喺度，布魯可仍可睇好，若股價未來兩日守得住85元至90元以上，可以再炒多浸，相反，如果跌穿85元，投資者就要小心。
