【Now財經台】今日(13日)又有兩隻新股首掛，股價個別發展，其中，澳洲及新西蘭車企新吉奧房車(00805)股價曾低見0.9元，較招股價1.27元，低逾29%，內地城商行宜賓銀行(02596)就一直守住招股價2.59元，變動唔大。不過，上周五(10日)上市嘅玩具股布魯可(00325)表現強勢，首掛高收約40%，1手帳賺逾7000元。如果睇返呢幾隻新股表現，公司嘅知名度係咪好重要？
《香港股票財技密碼》作者梁杰文指，雖然預期2025年上市嘅新股數目會多返，但股價表現就好參差，呢個極端情況會令投資風險大咗，多咗新股選擇嘅同時，其實「陷阱」亦多咗，所以投資者揀新股要好小心。
Mike又提到，雖然投資風險大咗，但仍有1類股份係較大機會跑出，就係有概念及基本面吸引，有獨一無二嘅經營模式，呢類新股可以吸引到唔少資金熱捧。
此外，內地製茶飲店品牌古茗已通過上市聆訊，短期內就可以招股，值得留意係，公司2024年12月先提交上市申請，唔夠1個月就獲批，到底係古茗夠實力，還是港交所(00388)想谷IPO生意，所以快速審批？Mike就話...
