【Now財經台】香港寬頻(01310)爭奪戰有新發展，據《彭博》引述知情人士報道，美國私募基金I Squared Capital已經接近向香港寬頻提出收購要約，意味同中國移動(00941)嘅競購戰有機會開打。
其實I Squared Capital喺2024年12月已經開始做盡職調查，依家正評估呢單deal嘅潛在協同效應，以釐定新要約價。
知情人士又話，專注基礎設施嘅I Squared Capital，有機會喺未來幾個星期提出收購要約，不過，知情人士都補咗兩句，由於I Squared Capital仍研究緊呢單deal，最後亦可能唔會提出收購要約。
