【Now財經台】截至早上11時止，1小時內《彭博》用戶關注度上升最多港股，依次為新奧能源(02688)、小米集團(01810)、比亞迪股份(01211)、長和(00001)及華潤啤酒(00291)。
小米業績強勁，獲多家大行唱好兼上調目標價，最牛嘅花旗睇73.5元。自從小米「踩過界」進軍電動車行業後，業績愈做愈好，更帶動整體小米產品生態鏈，小米股價要見70元水平才罷休？
資深證券分析師彭偉新指，整體業績及電動車交付量齊齊達標，市場對小米未來發展睇得更加樂觀。小米由主打低端家電產品，升級至中高端嘅手機產品，再進軍電動車，有助毛利率提升。資金追捧小米力度強勁，股價有可能會上到70元，不過，多數投資者會喺業績後會「食糊」，可以等股價回調再入場，上望空間較大。
