【Now財經台】半新股西銳(02507)今日(24日)將會派上市後首份全年成績表，股價今日大部分時間向上，早市一度升逾12%，高見39.2元，午後曾短暫倒跌，收市升逾4%，報36.25元。
西銳係本港首隻飛機製造股，去年7月中以每股27.5元上市，上次公布嘅中期業績，賺逾3500萬美元，按年增長24%，但當時股價完全冇反應，中金估計，西銳去年賺逾1億美元，但對比上市前兩年，增長唔算強勁，相信近日股價異動同炒業績冇關。
西銳股價今日一度較招股價高逾42%，股價全日都高過上市獨家保薦人中金嘅目標價32元，除非業績好標青，否則，股價要繼續企穩呢個高位會有難度。
